華置董事酬金減 男神逆市加薪

【明報專訊】「Package男神」劉鳴煒果然贏喺起跑線上，去年華置（0127）純利明明跌咗11.6%，賺少咗成10億；但截至去年10月仍然係華置行政總裁嘅佢，人工反而由前年嘅1243.9萬，升到舊年嘅1421.7萬，升幅有成14.3%。不過咁，華置都好均真嘅，「甘比」家姐陳詩韻由舊年11月開始接替行政總裁一職，年薪就無乜變化，由75.1萬升到88.4萬；至於老臣子林光蔚由226.7萬加到237.9萬，實行論功行賞。


翻查資料，原來一班董事嘅整體酬金一年比一年少，由2013年嘅2274.6萬，跌到2014年嘅2089.5萬，去年更加係得返1896.9萬。就算劉鳴煒去年加咗人工，但睇返佢老竇劉鑾雄喺2013年嘅人工已經有成1800萬，差唔多相等於去年成班董事嘅酬金啦。


[小琴密語]