美圖秀秀搞上市 值234億

【明報專訊】喺短短幾年內做到街知巷聞，風靡萬千少男少女嘅內地手機應用程式「美圖秀秀」，據彭博引述知情人士透露，美圖秀秀嘅公司美圖正準備新一輪籌資，話會值30億美元，即係成234億港紙；仲話會計劃最早今年喺海外上市，而香港喺其中一個考慮嘅地點喎。


唔講唔知，原來美圖現時嘅每月活躍用戶已達2.7億，即係喺中國每5個人就有1個係美圖公司嘅擁躉。美圖喺2014年已經完成咗第三輪融資，融資累計資金已經達到3.6億美金，加埋其他資金，目前估值已經高達20億美金。知情人士仲話，美圖預計新一輪融資可以令佢身價暴升到30億美金，如果成功，美圖仲會成為中國10大民營初創企業