新聞類別
財經
詳情#
【明報專訊】市建局好做唔做，煥然壹居竟然提早揀樓，市建當然有它的理由，不過，任何理由都沒有用，其他人早已認定是市建局心怯，早一日揀樓，早一日鎖定買家。最後，欲速則不達，我認為市建局今次行錯棋，早一日揀樓即是叫人早一日放棄揀樓，事實上68個有資格揀樓的人，有49個放棄，市建局今次唔知道點算。
不減價 買家愈叫愈走
政府的房屋機構只識得打順境波，逆境就亂晒籠，幾年前市建與新世界（0017）合作的名鑄，在開售時反應不俗，市建局立刻訂下八大規則，我都唔記得內容，新世界當然媽媽聲，有人買點解唔賣，當樓市轉弱，想賣都艱難，市建局諸執位一於少理，官員點知道世界艱難？
今次市建局可能有預感樓市正在向下調整，而市建又唔能夠隨便減價，惟有趁跌勢還未被確認，早些叫人揀樓，鎖定利潤，但是他們唔知道，買家是阿崩叫狗，愈叫愈走，你唔畀佢哋買，佢哋反而排隊買，今次首批68人揀樓，有49個揀唔落手，那些人在取消揀樓後無論對傳媒或者朋友發出信息都是非常負面，如果不能夠減價的話，話之有1.2萬個申請，但要全數出售338個單位都有困難。
開壞頭兼開錯價 煥然壹居難沽清
不過，這亦是好事，今次事件可以令政府知道，地產行業，尤其是有關銷售的部分，的確是知易行難，市場是浩翰的，要在市場上捕捉購買力，如大海撈針，他們唔好睇到趙、雷兩位賣樓，如此輕描淡寫又可以一Q清袋，其實，他們是要絞盡腦汁，現在市建局開壞頭兼開錯價，要賣晒338個單位，除非取消所有辣招及港人優先，或者有機會。
紀惠集團行政總裁
[湯文亮 敢說亮話]
不減價 買家愈叫愈走
政府的房屋機構只識得打順境波，逆境就亂晒籠，幾年前市建與新世界（0017）合作的名鑄，在開售時反應不俗，市建局立刻訂下八大規則，我都唔記得內容，新世界當然媽媽聲，有人買點解唔賣，當樓市轉弱，想賣都艱難，市建局諸執位一於少理，官員點知道世界艱難？
今次市建局可能有預感樓市正在向下調整，而市建又唔能夠隨便減價，惟有趁跌勢還未被確認，早些叫人揀樓，鎖定利潤，但是他們唔知道，買家是阿崩叫狗，愈叫愈走，你唔畀佢哋買，佢哋反而排隊買，今次首批68人揀樓，有49個揀唔落手，那些人在取消揀樓後無論對傳媒或者朋友發出信息都是非常負面，如果不能夠減價的話，話之有1.2萬個申請，但要全數出售338個單位都有困難。
開壞頭兼開錯價 煥然壹居難沽清
不過，這亦是好事，今次事件可以令政府知道，地產行業，尤其是有關銷售的部分，的確是知易行難，市場是浩翰的，要在市場上捕捉購買力，如大海撈針，他們唔好睇到趙、雷兩位賣樓，如此輕描淡寫又可以一Q清袋，其實，他們是要絞盡腦汁，現在市建局開壞頭兼開錯價，要賣晒338個單位，除非取消所有辣招及港人優先，或者有機會。
紀惠集團行政總裁
[湯文亮 敢說亮話]
留言 (0)
