新聞類別
副刊
詳情#
【明報專訊】近排Mama喺網上睇到段片，有50個大學生喺飯堂玩「超級估領袖」，玩法好簡單，鎖定一個唔知情嘅目標人物，佢做乜就跟住做。佢傾偈嗰陣，其他人都傾，佢撳電話，全部人又一齊撳，成間飯堂當堂一粒聲都冇。撳咗第三次之後，目標人物終於發覺有唔妥喇。搞呢個遊戲，無非想叫大家唔好掛住做低頭族，多啲同人正面交流啫。
計Mama話，家智能手機咁普及，何止大學生機不離手吖，好多小學生都日日拎住手機，唔係上緊facebook丶WhatsApp，就係打緊機。好似Mama對仔女咁，做功課又好丶食飯又好，對眼都實個屏幕，真係見到都激氣！有時叫佢哋瞓覺要熄電話，點知佢哋唔肯，硬係覺得夜媽媽都有人搵自己，於是臨瞓前又嘈起上嚟。
Mama覺得家已經好難禁止小朋友玩手機喇，唯有希望佢哋玩得smart啲，識得平衡啦。Mama專登搵香港青年協會督導主任徐小曼傾過，佢話家長唔使先認定用手機一定唔好，如果用嚟問功課丶查字典同搵資料，的確會方便啲。有咗智能手機，小朋友同人溝通會多咗，亦會喺facebook同instagram分享生活上嘅趣事，社交網絡都大咗。
慣用表情符號 唔慣深入交流
不過，回覆WhatsApp好多時都係貪快，開心同嬲都用一個表情符號搞掂，喺facebook嘅留言都好短。如果小朋友慣咗用App溝通，實際上社交能力反而會退步，唔習慣深入同人交流，第日要識新朋友就難好多喇。所以家長要鼓勵小朋友，平日多啲同人面對面互動，例如去朋友仔屋企，可以玩集體遊戲，盡量唔玩電子遊戲。至於喺屋企，食飯前可以鼓勵佢哋放低手機，同吓屋企人傾偈，食飯時間都係30分鐘左右，相信小朋友忍耐到嘅。
另一方面，家好多家庭都有開WhatsApp Group，方便家人保持聯絡，徐小曼就話，用新一代鍾意嘅方法溝通，固然值得一讚，但佢提醒各位家長，千祈唔好將WhatsApp Group當成監控工具。如果你成日問去咗邊丶做緊咩，或者逼人立即回覆，個Group唔單止促進唔到親子關係，仲令仔女非常反感
計Mama話，家智能手機咁普及，何止大學生機不離手吖，好多小學生都日日拎住手機，唔係上緊facebook丶WhatsApp，就係打緊機。好似Mama對仔女咁，做功課又好丶食飯又好，對眼都實個屏幕，真係見到都激氣！有時叫佢哋瞓覺要熄電話，點知佢哋唔肯，硬係覺得夜媽媽都有人搵自己，於是臨瞓前又嘈起上嚟。
Mama覺得家已經好難禁止小朋友玩手機喇，唯有希望佢哋玩得smart啲，識得平衡啦。Mama專登搵香港青年協會督導主任徐小曼傾過，佢話家長唔使先認定用手機一定唔好，如果用嚟問功課丶查字典同搵資料，的確會方便啲。有咗智能手機，小朋友同人溝通會多咗，亦會喺facebook同instagram分享生活上嘅趣事，社交網絡都大咗。
慣用表情符號 唔慣深入交流
不過，回覆WhatsApp好多時都係貪快，開心同嬲都用一個表情符號搞掂，喺facebook嘅留言都好短。如果小朋友慣咗用App溝通，實際上社交能力反而會退步，唔習慣深入同人交流，第日要識新朋友就難好多喇。所以家長要鼓勵小朋友，平日多啲同人面對面互動，例如去朋友仔屋企，可以玩集體遊戲，盡量唔玩電子遊戲。至於喺屋企，食飯前可以鼓勵佢哋放低手機，同吓屋企人傾偈，食飯時間都係30分鐘左右，相信小朋友忍耐到嘅。
另一方面，家好多家庭都有開WhatsApp Group，方便家人保持聯絡，徐小曼就話，用新一代鍾意嘅方法溝通，固然值得一讚，但佢提醒各位家長，千祈唔好將WhatsApp Group當成監控工具。如果你成日問去咗邊丶做緊咩，或者逼人立即回覆，個Group唔單止促進唔到親子關係，仲令仔女非常反感
留言 (0)
