新聞類別
財經
詳情#
【明報專訊】我有個老友個朵好響，叫「摩王」，有一日佢話百思不得其解，點解在過去十幾二十年，摩入摩出物業不下1000個，帳面好似賺好多，但埋單計數，又唔係咁多。
我同摩王講，佢畀物業代理搵老襯，美其名話短炒賺錢，其實，買賣是有連貫性，買入價高於以前的賣出價，即是蝕錢，如果唔係澳門長大，唔會明白當中道理，那些不停買賣的人，就好似賭場入面的「磨爛蓆」，是必輸三大人物之一，我相信到此，很多人仍然不明白，但巴伐洛克汽車工作者明白，什麼是巴伐洛克，其實是BMW。
炒出炒入 所賺不多
今年，傳言BMW取錄試中，出了一條題目：「有一個人，8元買入一件物件，9元賣出，10元再買入，11元賣出。問：那人賺了多少錢，1元抑或是2元？」結果99%答錯，如果閣下答對，一定唔會做炒家。政府如果知道炒家賺咁少錢，仲要出招打擊，炒家的確有多少無奈，而且，樓價永遠上升，最多都是賺少一些，但倘若樓價下跌，而這種事又一定會發生，到時候便損失慘重，所以，曾蔭權的SSD，美其名是打擊炒家，其實是唔准他們「磨爛蓆」，是救了他們，炒家們應該感恩。
不少炒家入飽貨 等撤辣招推售
當大家以為物業市場已經沒有炒家而疏於防範，其實，炒家已經另起爐灶，而且靜靜地入侵物業市場，細價樓樓價緩緩上升，已經到了一般市民負擔不起程度，但政府並不見有短期成交，認為沒有人炒樓，市場上的成交都是實際需求。
其實，不少炒家早已入飽貨，等待政府在輿論壓力之下撤銷SSD，就算政府唔撤，極其量是等3年，到時候，炒家就會趁高出貨，那些在過去幾年以高價搶入市的年輕人就慘了，因為在炒家及地產商出貨之下，供應必定會大幅增加，樓價就會大跌，結果雖然對剛上車的年輕人不利，但亦可以證明，就算在物業市場，唔做「磨爛蓆」的話，不但勝算大，勝利果實亦比那些炒炒賣賣的炒家大得多。
紀惠集團行政總裁
[湯文亮 敢說亮話]
我同摩王講，佢畀物業代理搵老襯，美其名話短炒賺錢，其實，買賣是有連貫性，買入價高於以前的賣出價，即是蝕錢，如果唔係澳門長大，唔會明白當中道理，那些不停買賣的人，就好似賭場入面的「磨爛蓆」，是必輸三大人物之一，我相信到此，很多人仍然不明白，但巴伐洛克汽車工作者明白，什麼是巴伐洛克，其實是BMW。
炒出炒入 所賺不多
今年，傳言BMW取錄試中，出了一條題目：「有一個人，8元買入一件物件，9元賣出，10元再買入，11元賣出。問：那人賺了多少錢，1元抑或是2元？」結果99%答錯，如果閣下答對，一定唔會做炒家。政府如果知道炒家賺咁少錢，仲要出招打擊，炒家的確有多少無奈，而且，樓價永遠上升，最多都是賺少一些，但倘若樓價下跌，而這種事又一定會發生，到時候便損失慘重，所以，曾蔭權的SSD，美其名是打擊炒家，其實是唔准他們「磨爛蓆」，是救了他們，炒家們應該感恩。
不少炒家入飽貨 等撤辣招推售
當大家以為物業市場已經沒有炒家而疏於防範，其實，炒家已經另起爐灶，而且靜靜地入侵物業市場，細價樓樓價緩緩上升，已經到了一般市民負擔不起程度，但政府並不見有短期成交，認為沒有人炒樓，市場上的成交都是實際需求。
其實，不少炒家早已入飽貨，等待政府在輿論壓力之下撤銷SSD，就算政府唔撤，極其量是等3年，到時候，炒家就會趁高出貨，那些在過去幾年以高價搶入市的年輕人就慘了，因為在炒家及地產商出貨之下，供應必定會大幅增加，樓價就會大跌，結果雖然對剛上車的年輕人不利，但亦可以證明，就算在物業市場，唔做「磨爛蓆」的話，不但勝算大，勝利果實亦比那些炒炒賣賣的炒家大得多。
紀惠集團行政總裁
[湯文亮 敢說亮話]
留言 (0)
