校長盃 中大兩蛋贈港大

【明報專訊】一年一度嘅中大港大校長盃足球友誼賽噚日喺港大何鴻燊體育中心上演，港大雖然有主場之利，但最終以2比0不敵中大。噚日天陰細雨，但無損兩隊教職員雅興，港大校長馬斐森（右）同中大校長沈祖堯（左）都落咗場，但僅止於開球儀式踢一腳，然後喺場外做啦啦隊打氣，兩個人場外仲密密斟，果真係友誼波一場。