律師會會刊寫錯烈顯倫頭銜

【明報專訊】終審法院前常任法官烈顯倫舊年12月喺香港外國記者會午餐會發表演說，批評司法覆核程序畀人濫用，結果令佢成為新聞人物，亦引嚟唔少法律界猛人回應。今年2月佢成為律師會會刊《香港律師》嘅封面人物，接受訪問講番佢對司法覆核嘅睇法，話法院未能維護法律嘅紀律，令到程序2畀人濫用。本來接受訪問係一件平常事，但係律師會會刊封面就寫錯烈顯倫嘅頭銜，將「GBM」（大紫荊勳章，Grand Bauhinia Medal）寫成「GMB」（圖），不過烈顯倫大人有大量，希望佢唔會介意啦。