李慧琼：話我必撐CY又呃你㗎啫

【明報專訊】下屆特首跑馬仔如火如荼，最近政界人士都有條必答題，就係會唔會支持梁振英（CY）連任，唔少人都要絞盡腦汁諗諗點樣表態。民建聯主席李慧琼（Starry，圖）噚日接受商台訪問時就笑言，「我話畀你聽我必定係支持梁振英又呃你㗎啫」，倒過嚟講，咁係咪未必支持梁振英呀？佢就話要視乎有邊啲人參選，如果公民黨梁家傑同CY參選，好難支持傑哥，但如果民建聯有人參選，從政治倫理上，佢唔能夠唔優先考慮民建聯。


早前黨友梁志祥就建議民建聯要派人參選特首，Starry亦無落閘，唔會話肯定唔派人參選，認為黨內有合適者，但對方願意參選先可以成事。


至於佢自己肯唔肯承擔參選特首，Starry就好謙虛，話明白港人對政黨人士參選特首接受程度唔高，市民對自己支持度亦不足。