城大生作品ICC上演 幕牆「打麻將」

【明報專訊】Emily知道環球貿易廣場（ICC）同巴塞爾藝術展合作，於今個月21至26日晚上7:20、8:10、9:00及9:50，以及整個4月嘅晚上7:45及9:00，喺外牆展出日本藝術家宮島達男嘅作品Time Waterfall，到時會有阿拉伯數字1至9，從高至低如瀑布咁落下，不斷出現，等大家領略一下「生命」嘅運轉。


與此同時，亦有城大創意媒體學院嘅學生創作8輯燈光藝術動畫，喺特定日子（3月17、18，20、27-31日）晚上7:45及9:00，於ICC幕牆外播映，主題幾過癮，可以「打麻將」、彈琴，有啲會造出「大廈生樹」，甚至成幢大廈扭轉嘅效果，創意無限。


想睇得投入，理解作品背後諗法，可下載「ICC聲光耀維港」嘅App，有簡介之餘亦有背景音樂，成個戶外藝術館咁。