新聞類別
財經
詳情#
【明報專訊】北京兩會未開幕，香港唔少人以為阿爺一定會棒打「本土派」，或者會就梁特能否連任發出信息，點知過去幾日，阿爺不單止無開turbo鬧人，仲要大吹和風，對下任特首人選亦堅持不泄露任何風聲。從阿爺角度考慮，這兩個舉措都是非常理性的選擇，無理由未睇清楚環境就出牌，只要考慮到阿爺當前腹背受敵嘅景况（或慘况），所謂香港問題，可能根本稱不上是問題。
近日唔少人都要上京開會或收風，中環一帶會所相當清靜，不過，手機嘅WhatsApp群組就完全無靜過，反而更加熱鬧，當中十居其九都是京城的風聲。
除查太外 港區人代無人懂金融
今年嘅港區人大同政協小組會議，比較特別嘅安排係有「特別嘉賓」列席，分別係國務委員楊潔篪，以及中證監新任主席劉士余，前者眾所周知係習大大嘅親信，後者剛剛從肖剛手上接過燙手山芋，出席港區人大會議，借機在媒體面前亮亮相，顯然也經過細心安排，只可惜港區人大之中，只有查史美倫一人來自金融界，劉主席若想聽聽有質素嘅提議，肯定大失所望，亦會發現香港呢個國際金融中心嘅人大代表，原來都是大媽貨色。
據筆者聽聞，有領導人喺會上非常關心金融安全問題，不單止問得仔細，秘書們不停做筆記，會後更將筆記給發言者過目，簽名作實，作為發言者的具體提議，可見阿爺對於具體問題，並不如香港一般人對於中共會議嘅理解，以為水過鴨背都會照收貨。
發言簽名作實 兩會非水過鴨背
事實上，經歷過上年暴力救市失敗，匯改出閘脫腳，阿爺今年最擔心的一定係金融風險問題，加上經濟情况毫無起色，呢兩個計時炸彈一旦爆炸，肯定影響習核心未來6年嘅領導地位。政治局七個常委之中，最懂得經濟嘅王岐山去咗打貪，李克強嘅「克強經濟學」亦唔太耍得，可以預期阿爺有需要搵專人處理金融炸彈。
早前有消息傳出，重慶市長黃奇帆會喺春節假期之後出任國務院秘書長，主力處理金融事務，但消息至今未得到落實。但觀乎黃奇帆兩會期間嘅言論，特別係針對內地樓市泡沫嘅批評，可以預期呢名中共政壇奇葩，已經熱好身準備執掌國家金融事務。
無隨薄落馬 黃奇帆能力手腕不簡單
黃奇帆在薄熙來主政重慶期間，是該市的二把手，薄熙來落馬後，黃不單止能夠全身而退，亦愈來愈受到重用，可見此君的能力與政治手腕，都肯定有過人之處。佢日前出席記者會，就提出目前內地樓市若果繼續高槓桿，將有可能引發一場金融災難，該番言論與一貫中央領導的風格迥異，但確實點出了目前國內經濟的最大危機。
事實上，內地樓市產能過剩是公開的秘密，股市狂瀉後樓市竟然不受拖累，繼續狂升，一線城市樓市泡沫風險其實已經非常明顯。如果仔細看看目前內地的按揭市場，不難發現市場開始推高槓桿維持需求，這種高槓桿的趨勢與當年美國的次按危機其實無甚分別，中央政策一旦有任何閃失，內地樓價隨時來個骨牌式下瀉，對經濟與社會穩定都必然會造成嚴重打擊，但要處理這個問題，中央勢必要面對龐大的地方與市場阻力，中共黃奇帆能否一如過往扭轉乾坤，絕對是今年的重大看點。
[應正亮 廿四味]
近日唔少人都要上京開會或收風，中環一帶會所相當清靜，不過，手機嘅WhatsApp群組就完全無靜過，反而更加熱鬧，當中十居其九都是京城的風聲。
除查太外 港區人代無人懂金融
今年嘅港區人大同政協小組會議，比較特別嘅安排係有「特別嘉賓」列席，分別係國務委員楊潔篪，以及中證監新任主席劉士余，前者眾所周知係習大大嘅親信，後者剛剛從肖剛手上接過燙手山芋，出席港區人大會議，借機在媒體面前亮亮相，顯然也經過細心安排，只可惜港區人大之中，只有查史美倫一人來自金融界，劉主席若想聽聽有質素嘅提議，肯定大失所望，亦會發現香港呢個國際金融中心嘅人大代表，原來都是大媽貨色。
據筆者聽聞，有領導人喺會上非常關心金融安全問題，不單止問得仔細，秘書們不停做筆記，會後更將筆記給發言者過目，簽名作實，作為發言者的具體提議，可見阿爺對於具體問題，並不如香港一般人對於中共會議嘅理解，以為水過鴨背都會照收貨。
發言簽名作實 兩會非水過鴨背
事實上，經歷過上年暴力救市失敗，匯改出閘脫腳，阿爺今年最擔心的一定係金融風險問題，加上經濟情况毫無起色，呢兩個計時炸彈一旦爆炸，肯定影響習核心未來6年嘅領導地位。政治局七個常委之中，最懂得經濟嘅王岐山去咗打貪，李克強嘅「克強經濟學」亦唔太耍得，可以預期阿爺有需要搵專人處理金融炸彈。
早前有消息傳出，重慶市長黃奇帆會喺春節假期之後出任國務院秘書長，主力處理金融事務，但消息至今未得到落實。但觀乎黃奇帆兩會期間嘅言論，特別係針對內地樓市泡沫嘅批評，可以預期呢名中共政壇奇葩，已經熱好身準備執掌國家金融事務。
無隨薄落馬 黃奇帆能力手腕不簡單
黃奇帆在薄熙來主政重慶期間，是該市的二把手，薄熙來落馬後，黃不單止能夠全身而退，亦愈來愈受到重用，可見此君的能力與政治手腕，都肯定有過人之處。佢日前出席記者會，就提出目前內地樓市若果繼續高槓桿，將有可能引發一場金融災難，該番言論與一貫中央領導的風格迥異，但確實點出了目前國內經濟的最大危機。
事實上，內地樓市產能過剩是公開的秘密，股市狂瀉後樓市竟然不受拖累，繼續狂升，一線城市樓市泡沫風險其實已經非常明顯。如果仔細看看目前內地的按揭市場，不難發現市場開始推高槓桿維持需求，這種高槓桿的趨勢與當年美國的次按危機其實無甚分別，中央政策一旦有任何閃失，內地樓價隨時來個骨牌式下瀉，對經濟與社會穩定都必然會造成嚴重打擊，但要處理這個問題，中央勢必要面對龐大的地方與市場阻力，中共黃奇帆能否一如過往扭轉乾坤，絕對是今年的重大看點。
[應正亮 廿四味]
留言 (0)
