新聞類別
財經
詳情#
【明報專訊】內地男士服裝品牌虎都（2399）新任CEO郭漢鋒今年先26歲，年紀輕輕唔單止已做咗CEO，原來佢仲已經有兩個囝囝，3歲哥哥就喺香港讀緊書，歲半嘅細佬就仲喺內地。郭漢鋒話，自己有時會帶大囝去公司睇吓環境，嘩！家先3歲，咁快就帶佢巡視業務，爸爸真係好心急想囝囝接棒做CEO。
郭漢鋒仲話，如果公司日後真係搞童裝，會搵埋囝囝做「生招牌」，做公司童裝系列代言人，小琴建議，不如郭漢鋒同囝囝一齊做親子服裝系列代言人仲好啦！
馬德鐘中環拍外景 被內地人圍
至於公司今年繼續搵藝人馬德鐘做商務正裝系列代言人，財務總裁鍾明杰話，有一次馬德鐘幫公司喺中環拍外景，畀好多內地人圍，個個爭住影馬德鐘。香港人呢？似乎對馬德鐘就冇咩興趣，鍾明杰話可能喺中環區嘅關係。啱嘅！中環人秒秒都係錢，行路都要keep住望電話，仲邊有時間望馬德鐘呀？
[小琴密語]
留言 (0)
