辯完退保 林鄭鬆一鬆"言罙"細路

【明報專訊】政務司長林鄭月娥前日出席電台節目，同港大教授周永新辯論退休保障問題後，噚日嘅官式活動就似乎輕鬆好多，佢出席智樂兒童遊樂協會主席主辦嘅開心小熊醫院2016開幕禮，可以同一班細路仔玩攤位遊戲同傾偈。


料啟德兒童醫院2018啟用

講到兒童健康，林太就話醫院管理局正喺啟德新發展區興建全港首間以兒童為對象嘅香港兒童醫院，而兒童醫院嘅候任行政總監李子良醫生都有一齊出席活動。林太又話，佢去年9月去澳洲訪問時，都專程到墨爾本參觀當地嘅皇家兒童醫院。佢話，預計啟德兒童醫院可以喺2018年投入服務，有400多張病牀，醫院會集中提供大部分第三層醫療服務，即係複雜、罕見及需要跨專科治理嘅兒科轉介個案。