到亞視「見證歷史一刻」 光仔仔﹕有啲唏噓

【明報專訊】曾經到亞視門外開汽水慶祝亞視倒閉嘅網民曾慶光（光仔仔），噚日再到亞視，佢話無帶汽水嚟慶祝，只係嚟「見證歷史一刻」，會逗留兩至三個鐘。


Emily八卦問佢對邊個亞視節目最難忘，光仔仔諗咗一陣，就話鍾意睇《百萬富翁》同《開心大發現》，因為可以學到嘢喎。


雖然光仔仔一路都想亞視執笠，但到咗可能真係亞視最後一日，佢都話不免有啲「唏噓」。