新聞類別
財經
詳情#
【明報專訊】人人都話內地睇醫生難，究竟點難法，小琴今日總算親身體驗係「難」在可以見醫生一面。
話說小琴上京公幹，塊面有少少敏感，諗住去大醫院北京協和醫院睇皮膚科，但未講個「科」字，就畀收費阿姐一句「沒號」封嘴。
皮膚科冇位可睇，諗住轉睇內科求個心安，點知都只係換來一句：「都沒號，去自助機預約吧！」去到自助預約機，結果發覺只有插入內地儲蓄卡先可以預約，我當然冇啦，不過網絡世界咩都要與時俱進，協和醫院都唔例外，總算搵到個App可以上網預約。
諗住終點在望，點知上到預約系統，先驚覺由當天至一周後嘅7日，預約已經完全滿晒，無論專家主任抑或普通醫師級別無一例外。
醫院稀缺 正規途徑一票難求
行出醫院，見到「正規途徑掛號 堅決打擊號販子」標語，講真，病唔拖得，如果睇醫生係咁樣，唔買票販子嘅票又可以點做？呢個無論經濟定體質都衰落嘅年代，醫院先係稀缺資源啊。
email: piano@mingpao.com
[小琴密語]
話說小琴上京公幹，塊面有少少敏感，諗住去大醫院北京協和醫院睇皮膚科，但未講個「科」字，就畀收費阿姐一句「沒號」封嘴。
皮膚科冇位可睇，諗住轉睇內科求個心安，點知都只係換來一句：「都沒號，去自助機預約吧！」去到自助預約機，結果發覺只有插入內地儲蓄卡先可以預約，我當然冇啦，不過網絡世界咩都要與時俱進，協和醫院都唔例外，總算搵到個App可以上網預約。
諗住終點在望，點知上到預約系統，先驚覺由當天至一周後嘅7日，預約已經完全滿晒，無論專家主任抑或普通醫師級別無一例外。
醫院稀缺 正規途徑一票難求
行出醫院，見到「正規途徑掛號 堅決打擊號販子」標語，講真，病唔拖得，如果睇醫生係咁樣，唔買票販子嘅票又可以點做？呢個無論經濟定體質都衰落嘅年代，醫院先係稀缺資源啊。
email: piano@mingpao.com
[小琴密語]
留言 (0)
