新聞類別
副刊
詳情#
【明報專訊】民主黨噚晚舉行21周年黨慶，筵開36席，政商界都有唔少人到賀。民主黨主席劉慧卿、何俊仁同單仲偕3名資深立法會議員都一早表明會於今年嘅立法會選舉交棒，唔再尋求連任。佢哋3人噚晚喺一班「乳鴿」同嘉賓見證下「金盆洗手」，象徵會畀機會一班「乳鴿」。民主黨今年嘅籌款目標係800萬，噚晚初步籌款有760萬元，比去年勁升一倍。負責籌款嘅李華明相信稍後仲會有善長捐錢，希望最終都可以同黨主席有交代。
噚晚黨慶除咗有政制及內地事務局長譚志源出席酒會，各黨派都有派員出席﹕自由黨榮譽主席田北俊、公民黨黨魁梁家傑、工黨副主席李卓人，連舊黨友、新思維主席狄志遠都有到場，新思維仲有買枱支持
留言 (0)
