CY「被加入」挺自己群組管理員

【明報專訊】社交網站facebook開設咗各式各樣支持特首梁振英（CY）嘅群組，不過Emily發現其中一個叫「支持梁振英！」嘅不公開群組（Closed Group）較特別，事關其中一個管理員就係有fb藍剔認證嘅梁振英，佢喺兩個月前被加入做管理員。群組嘅說明係「我們全力支持梁振英！打倒黃屍，為國家出一分力」。


Emily好奇加入咗群組，見到當中唔少帖文都係向CY「示愛」，仲有人話「689！好特首！」。


至於CY知唔知道自己成為群組管理員，抑或知唔知道群組嘅主旨，Emily就呢件事問過特首辦，特首辦回覆話「行政長官事前不知道被該專頁設為其中一名管理員，他已要求該專頁移除有關設定」，睇嚟CY今次係「被加入」成為群組管理員喇。