新聞類別
財經
詳情#
【明報專訊】近日很多劈價盤成交，令到不少打算賣樓的業主，以為劈價就可以賣到樓。其實，無論業主怎樣劈，買家都會要求再劈。
所以業主賣樓，千祈唔好自己劈價太深，留番一些空位畀買家劈，否則，買家會唔開心。而且，買家見到業主無端端狠劈，知道業主一定要賣樓，於是他們仲劈得狠過業主，最後都是做唔成交易。
現在的物業代理只用死力來促成交易，獨孤一味向業主鋤價，他們可能唔知道，鋤得深反而令買家猶豫，或者買家亦鋤埋一份，最後，業主見買家出價實在太低，決定不買。
宜為業主留些少水位 予買家劈價
其實，買家是可以出比較高而業主又可以接受的價錢，但是做師父的唔教，新仔又點會知道？
做法很簡單，物業代理就算可以鋤價20%，一定要對賣家說，先減價10%，如果買家接受就最好，就算買家再劈5%，都仍然有着數，好似非常好人，為業主着想，業主一定非常感動。
其實，物業代理是為自己留一些水位，成功機會比要賣家狠劈大得多，在我入行時，這些是基本功，現在好似很少人會用，那些物業代理用死力向業主鋤價，有結果便立刻向買家回覆，以為買家一定接受，誰不知買家再還一口比業主低10%的價，業主多數不會接受。
太早公開底線 成功機會渺茫
物業代理要記住，最後的成交價是由買家出價，業主只可以選擇接受抑或不接受，他們只能在買家出價與業主願意接受的賣價內游走，如果一早曬冷，將業主願意接受的價公開，成功機會就很渺茫。
雖然，有時業主都會接受，但就會非常唔開心，買家雖然狠劈得手，但都未必會開心，因為他們始終會覺得業主可能會接受一個更低的還價，仍然會覺得是買貴咗，要促成一單買賣而又令雙方都覺得開心的交易，都是要睇物業代理功力。
紀惠集團行政總裁
[湯文亮 敢說亮話]
所以業主賣樓，千祈唔好自己劈價太深，留番一些空位畀買家劈，否則，買家會唔開心。而且，買家見到業主無端端狠劈，知道業主一定要賣樓，於是他們仲劈得狠過業主，最後都是做唔成交易。
現在的物業代理只用死力來促成交易，獨孤一味向業主鋤價，他們可能唔知道，鋤得深反而令買家猶豫，或者買家亦鋤埋一份，最後，業主見買家出價實在太低，決定不買。
宜為業主留些少水位 予買家劈價
其實，買家是可以出比較高而業主又可以接受的價錢，但是做師父的唔教，新仔又點會知道？
做法很簡單，物業代理就算可以鋤價20%，一定要對賣家說，先減價10%，如果買家接受就最好，就算買家再劈5%，都仍然有着數，好似非常好人，為業主着想，業主一定非常感動。
其實，物業代理是為自己留一些水位，成功機會比要賣家狠劈大得多，在我入行時，這些是基本功，現在好似很少人會用，那些物業代理用死力向業主鋤價，有結果便立刻向買家回覆，以為買家一定接受，誰不知買家再還一口比業主低10%的價，業主多數不會接受。
太早公開底線 成功機會渺茫
物業代理要記住，最後的成交價是由買家出價，業主只可以選擇接受抑或不接受，他們只能在買家出價與業主願意接受的賣價內游走，如果一早曬冷，將業主願意接受的價公開，成功機會就很渺茫。
雖然，有時業主都會接受，但就會非常唔開心，買家雖然狠劈得手，但都未必會開心，因為他們始終會覺得業主可能會接受一個更低的還價，仍然會覺得是買貴咗，要促成一單買賣而又令雙方都覺得開心的交易，都是要睇物業代理功力。
紀惠集團行政總裁
[湯文亮 敢說亮話]
留言 (0)
