反洗錢行業人工加最多

【明報專訊】魚唔過塘唔肥？噚日人才招聘顧問公司華德士發表《全球薪酬調查報告》，入面講到香港僱員今年平均加3%至5%人工，即係以1萬蚊嚟計，最多加500蚊，即差少少都夠小琴食個buffet啦！至於跳槽人士，人工就普遍都加到10％至15%，當中以打擊洗黑錢嘅從業人士人工加幅最高，有近三成上升。


港僱員今年平均加逾3%

華德士大中華區董事總經理Matthew Bennett 話，隨着大數據興起，未來金融科技將愈嚟愈吃香，當中IT行業嘅跳槽人士，最多可獲加兩成人工。不過高處未算高，佢之後仲講到，由於近期監管制度愈嚟愈嚴謹，所以打擊洗黑錢嘅跳槽人士，最多可獲加三成人工！另外，Bennett仲畀咗個貼士大家，話基於未來更緊密跨境合作同對深港通嘅期待，相信未來市場對操流利普通話嘅律師同投資專家有一定需求咁話，大家明晒啦!


email: piano@mingpao.com

[小琴密語]