新東混戰再添亂 劉志成報名 未知是否大埔同名區議員

【明報專訊】立法會新東補選真係愈來愈熱鬧，噚日又多一人報名，係報稱無政治聯繫嘅公司董事劉志成。咁啱大埔區議會有個議員叫做劉志成，但Emily噚日聯絡唔到劉議員，暫未確定佢哋係咪同一個人。


現已報名嘅有5人，除咗劉志成，仲有民建聯周浩鼎、公民黨楊岳橋、西貢區議員方國珊及新思維黃成智。本土民主前線發言人梁天琦亦已宣布會參選但未報名。


「保守黨」擬收集提名參選

另外，有個名為「保守黨」嘅組織，喺facebook上話想派人參選，又話急需百個選民簽署提名，計劃喺區內擺街站收集提名。新東補選提名期於1月18日（下周一）結束，選民可在2月28日投票。