新股薩馳主席名叫「張女士」

【明報專訊】噚晚再有3隻新股上載招股書，其中一隻叫薩馳，係內地高端機械製造商兼工程解決方案供應商，2014年收入按年大漲1.7倍。正當小琴想睇下呢間咁傑出嘅公司係由邊位領導帶領時，睇晒成本招股書，主席個名都係得三個字：「張女士」。雖然呢隻新股話就話係間廠，但究竟係「工廠的哪個張」？


大家呢一刻一定好奇，到底「張女士」係咪姓「張」名「女士」，但係睇埋招股書入面其他董事，就偏偏寫明成個姓名。


睇返內地報道，薩馳旗下公司薩馳華辰董事長叫張英姿，張女士有可能就係呢位女士。但翻查港交所（0388）指引信，上市文件必須提供董事全名，咁今次呢份招股書又應該點樣解畫？


email: piano@mingpao.com

[小琴密語]