新聞類別
財經
詳情#
【明報專訊】世界大事，在個人生活圈子亦同樣會發生。現在，我們看希臘如何借錢不還，總理齊普拉斯如何賴貓，歐盟、德國又如何追債，熟口熟面，原來同我們日常生活中所見亦很相似。
希臘經濟本來冇事，甚至有一段時期非常威水，出了一個船王叫奧納西斯，連美國前總統甘迺迪嘅老婆都要嫁畀佢，當然是在甘迺迪死了之後，即使如此，美國人依然是不大開心，話晒積琪蓮都曾經是第一夫人，當時花邊新聞話甘迺迪曾經溝咗瑪麗蓮夢露，所以，就算甘迺迪死咗，積琪蓮都要紅杏出牆，於是，美國佬處心積慮，要希臘墜入萬劫不復深淵（一笑）。
首先，教希臘人洗腳唔抹腳，美國佬帶頭支持希臘搞奧運，那一屆本來是中國有機會舉辦，但國際奧委會話當年是奧運百周年慶典，應該由希臘舉辦，當時，中國並未有現在國力，雖然有不少非洲小國支持，但始終敵不過西方列強。不過，舉辦奧運其實是將銀紙倒落海遊戲，希臘在舉辦奧運完畢之後，欠落一大筆債項，希臘的歐盟債主最初是相當寬容，唔還錢唔緊要，反而可以再借多些，以貸冚債，即是不斷加按，終有一日會爆煲。
洗腳唔抹腳是禍根
在這段日子，希臘也曾歌舞昇平，直至齊普拉斯上台，唔係幾聽德國婆之笛，於是，德國首先反枱，要希臘還債，否則就踢希臘出歐盟共榮圈，任由希臘自生自滅，而齊普拉斯做反對派就叻，要求政府增加福利，減少稅收，減少工作時間，當然是受到人民愛戴，但上台執政後又完全不是那麽回事，冇錢還竟然用希臘人民來要脅德國，希臘人民現在知道，無論如何都要接受歐盟苛刻條件，再一次「加按」，以後的事以後再作打算，船王泉下有知，就應該後悔溝咗甘迺迪老婆，為希臘人民種下惡果。
現在香港有不少居屋、公屋業主，當年以非常優惠價錢買到自住單位，本來是天下太平，但有了業主身分之後，借錢非常容易，以往去財務公司借私人貸款，一定會畀那些職員問長問短，借得又少，利息又高，但以業主身分去借，差不多問都唔使問，又借得多，到期冇錢還唔緊要，加按就可以，不過，在加按幾次之後，那個單位就會被財務公司沒收，那些居屋、公屋業主就要淪落到做劏房戶。歸根究柢，無論是希臘抑或那些業主，他們所面對的困境就是由「洗腳唔抹腳」開始。
■有片睇
湯文亮會客室
讀者如欲收看由湯文亮與明報投資及地產版主編陸振球主持的《湯文亮會客室》，可登入：http://link.mingpao.com/25522.htm
紀惠集團行政總裁
[湯文亮 敢說亮話]
希臘經濟本來冇事，甚至有一段時期非常威水，出了一個船王叫奧納西斯，連美國前總統甘迺迪嘅老婆都要嫁畀佢，當然是在甘迺迪死了之後，即使如此，美國人依然是不大開心，話晒積琪蓮都曾經是第一夫人，當時花邊新聞話甘迺迪曾經溝咗瑪麗蓮夢露，所以，就算甘迺迪死咗，積琪蓮都要紅杏出牆，於是，美國佬處心積慮，要希臘墜入萬劫不復深淵（一笑）。
首先，教希臘人洗腳唔抹腳，美國佬帶頭支持希臘搞奧運，那一屆本來是中國有機會舉辦，但國際奧委會話當年是奧運百周年慶典，應該由希臘舉辦，當時，中國並未有現在國力，雖然有不少非洲小國支持，但始終敵不過西方列強。不過，舉辦奧運其實是將銀紙倒落海遊戲，希臘在舉辦奧運完畢之後，欠落一大筆債項，希臘的歐盟債主最初是相當寬容，唔還錢唔緊要，反而可以再借多些，以貸冚債，即是不斷加按，終有一日會爆煲。
洗腳唔抹腳是禍根
在這段日子，希臘也曾歌舞昇平，直至齊普拉斯上台，唔係幾聽德國婆之笛，於是，德國首先反枱，要希臘還債，否則就踢希臘出歐盟共榮圈，任由希臘自生自滅，而齊普拉斯做反對派就叻，要求政府增加福利，減少稅收，減少工作時間，當然是受到人民愛戴，但上台執政後又完全不是那麽回事，冇錢還竟然用希臘人民來要脅德國，希臘人民現在知道，無論如何都要接受歐盟苛刻條件，再一次「加按」，以後的事以後再作打算，船王泉下有知，就應該後悔溝咗甘迺迪老婆，為希臘人民種下惡果。
現在香港有不少居屋、公屋業主，當年以非常優惠價錢買到自住單位，本來是天下太平，但有了業主身分之後，借錢非常容易，以往去財務公司借私人貸款，一定會畀那些職員問長問短，借得又少，利息又高，但以業主身分去借，差不多問都唔使問，又借得多，到期冇錢還唔緊要，加按就可以，不過，在加按幾次之後，那個單位就會被財務公司沒收，那些居屋、公屋業主就要淪落到做劏房戶。歸根究柢，無論是希臘抑或那些業主，他們所面對的困境就是由「洗腳唔抹腳」開始。
■有片睇
湯文亮會客室
讀者如欲收看由湯文亮與明報投資及地產版主編陸振球主持的《湯文亮會客室》，可登入：http://link.mingpao.com/25522.htm
紀惠集團行政總裁
[湯文亮 敢說亮話]
留言 (0)
