股民搵替死鬼 要肖鋼落台

【明報專訊】內地呢輪股市大跌搞到股民「鬼哭神嚎」，有網民甚至喺今次大跌市入面，集體搵「替死鬼」，其中中證監主席肖鋼成眾人箭靶，網民大斥要「引咎辭職」，民情可謂相當「兇」湧。


正當股界一片愁雲慘霧，噚日即刻流傳話「新華社」出稿，一名「尤良凱」同志將出任中證監主席，肖鋼即日下台，貶調安徽。消息一出，旋即瘋傳，有網民留言﹕「莫非佢係股神嘅化身？」甚至刊登尋人啟事。不過，傳咗一陣，大家都終於覺得有唔妥，原來，所有嘢都係偽造嘅假新聞。


咁究竟邊個係尤良凱？有傳佢係福州興業証劵嘅客戶，因為今次損失慘重，所以想毛遂自薦，拯救股市咁話。小琴雖然好欣賞佢嘅鴻圖大志，不過，都希望尤同志唔好放棄治療，同喺 呢個時勢下，網民唔好再亂咁放料啦。


email: piano@mingpao.com

[小琴密語]