曾裕老公辭現代美容董事

【明報專訊】「美容女王」曾裕喺8月強勢連任現代美容（0919）主席後，又開始一連串人事變動。噚日集團宣布，曾裕嘅丈夫李守義，以及另一要員鄺旨呈辭任執行董事，而李守義會維持擔任首席行政官，鄺旨呈亦維持出任集團附屬公司嘅董事。

續做首席行政官 指無分歧

集團指基於管理責任變化，兩位董事辭去職務，與公司並冇意見分歧。集團又委任首席財務總監梁文傑為執行董事，梁文傑今年33歲，08年9月加入現代美容。

曾裕喺2008 年11月以健康理由辭任主席，由丈夫李守義接任。佢今年4月重出江湖，重掌主席兼行政總裁工作，李守義轉為低調，退回首席行政官嘅工作，家更退一步唔做董事。兩公婆唔一齊坐喺董事會，可以各自發揮所長，人工當然好唔同。李守義做首席行政官，每月人工20萬，曾裕做行政總裁，月薪就有45萬。