黃光裕未出獄 國美先亢奮

【明報專訊】曾榮登中國首富榜首嘅國美（0493）創辦人黃光裕，2008年因操縱股價等罪名入獄。有內地媒體傳，今年底黃光裕刑期滿一半，符合申請假釋條件。雖然可唔可以提前出獄仍係未知數，但資本市場即刻把消息歸為「巨大利好」，星期一單日股價急升17%。尋日亦升5.5％。


報道話，雖然國美曾因內鬥錯過發展電商嘅最佳時機，但幸好黃光裕呢幾年身陷囹圄，仍透過妻子杜鵑及舊部屬遙控國美，令公司在重大戰略上無出大錯。今年11月黃光裕刑期滿7年，剛好過半，國美並未確認黃光裕假釋嘅消息，但資本市場對於佢重掌國美江山充滿期待，消息一出國美股價急升。雖然錯過唔少機會，但現時市場仍有好多新創意可以發掘，比如國美嘅老對手蘇寧近排又搞跨境物流又同國際家電集團合作。唔知呢位傳奇嘅前首富，會唔會真係強勢回歸，帶領國美重新崛起呢？


email: piano@mingpao.com

[小琴密語]