泛民逢周日落區反政改

【明報專訊】政改「袋住先」嘅問題，對於牛頭角順嫂嚟講可能有點難明，但如果同佢講政改「摸和好過出銃」，會唔會易明啲？為咗令反對「袋住先」嘅討論可以更入屋，工黨推出咗以打麻將為題嘅短片，去解釋點解要否決政改。話寧願「摸和」否決，都唔好「出銃」通過，否則連本都保唔住。


工黨李卓人話，政改進入民意戰階段，希望可以入屋嘅方式宣傳泛民嘅理據。他又話，直到政改表決前，泛民逢周日都會有代表落區宣傳反對「袋住先」，各泛民政黨會互相協調分配人手。


至於會唔會同政府官員打對台，李卓人話，泛民都希望直接同市民對話，所以打對台唔適合。何秀蘭就話，想用低調平實嘅方式同市民溝通。


至於「摸和好過出銃」嘅宣傳片，李卓人解釋，家政改三家挾一家，當中「西」環、「北」京，同一「南（男）」子，挾香港人落疊，如果通過政改，港人就要輸身家；但如果否決，呢鋪牌仲有機會重新開局。