新聞類別
副刊
詳情#
【明報專訊】曾經自詡「白宮發言人」嘅新聞統籌專員（Information Coordinator，IC）馮煒光，噚日去咗樹仁大學新聞與傳播學系演講，題目係「新聞統籌專員的角色」，好多記者一心去採訪咁juicy嘅講座，可惜食閉門羹，皆因IC下令嚴禁記者入場，仲搵咗好多同學仔守喺門口把關，IC解釋費事分享會變咗個人記者會喎。不過，IC呢頭唔畀記者入場，嗰頭喺分享會就主動講「面對記者、新聞自由時，第一，我會好尊重、好維護」。唔通IC平日分身有術，可以隨時轉換角色立場？
「費事變個人記者會」
噚日嘅講座歷時大約個半鐘，IC用咗十幾分鐘講解日常工作，好識趣咁盡快進入問答環節。台下第一條問題就直接抽擊，問IC係咪「金鍾仁」（即一名用筆名喺報章撰文撐政府、批評過田北俊嘅人），IC答「唔回應」。有同學見招拆招，問IC「唔回應」背後有咩意思？IC解釋答「唔回應」，「有時係無辦法中嘅辦法」。
唔回應係咪「金鍾仁」
IC可以話被一班學生圍攻，因為同學仔嘅提問真係好尖銳。有人問IC點睇「人無恥則無敵」呢句話，「會唔會覺得自己係無敵？」IC回應話，當有人唔同意你，就會有唔同講法，最重要問清楚自己做緊乜嘢、做嘅事係咪正確。
同學除咗關心「金鍾仁」，仲好關注IC經常喺facebook同學者、資深傳媒人「筆戰」，有同學質疑係咪浪費公帑，IC強調佢係喺5點09分放工後先開始喺fb同人交流。不過，有心水清嘅網民噚晚就喺網上搵到一份特首辦嘅公告，指港府2006年實施5天工作制後，特首辦嘅辦公時間係 「星期一至星期五，上午8時45分至下午6時」。不過，講句公道話，IC返工放工都係唔定時，成日一早要開工嘅。
「費事變個人記者會」
噚日嘅講座歷時大約個半鐘，IC用咗十幾分鐘講解日常工作，好識趣咁盡快進入問答環節。台下第一條問題就直接抽擊，問IC係咪「金鍾仁」（即一名用筆名喺報章撰文撐政府、批評過田北俊嘅人），IC答「唔回應」。有同學見招拆招，問IC「唔回應」背後有咩意思？IC解釋答「唔回應」，「有時係無辦法中嘅辦法」。
唔回應係咪「金鍾仁」
IC可以話被一班學生圍攻，因為同學仔嘅提問真係好尖銳。有人問IC點睇「人無恥則無敵」呢句話，「會唔會覺得自己係無敵？」IC回應話，當有人唔同意你，就會有唔同講法，最重要問清楚自己做緊乜嘢、做嘅事係咪正確。
同學除咗關心「金鍾仁」，仲好關注IC經常喺facebook同學者、資深傳媒人「筆戰」，有同學質疑係咪浪費公帑，IC強調佢係喺5點09分放工後先開始喺fb同人交流。不過，有心水清嘅網民噚晚就喺網上搵到一份特首辦嘅公告，指港府2006年實施5天工作制後，特首辦嘅辦公時間係 「星期一至星期五，上午8時45分至下午6時」。不過，講句公道話，IC返工放工都係唔定時，成日一早要開工嘅。
回應 (0)
