新聞類別
財經
詳情#
【明報專訊】復活節假結束，中港股市不單齊齊「復活」，更是升個欲罷不能，都算為香港近期嘅低氣壓帶來些少興奮。昨日最開心的除了是廣大股民，一班負責「滬港通」的官員同港交所高層，都肯定拍爛手掌。事關吸引內地股民南下炒股的「港股通」，昨日終於吐氣揚眉，首次用爆105億的單日額度，呢班阿哥阿姐唔使再怕畀人話滬港通係「南水北調」的「賣港」政策。
筆者曾經在不同場合，聽過港交所高層推銷滬港通，每次講到港股通「唔通」，高層講完一堆官話，答案其實都係一句：「等吓啦，好快啦。」態度的確有啲似寶藥黨，難怪被記者咬住唔放。到昨日北水終於到位，財演們定必會陸續出來扮「先知」，但計筆者話，其實都係時間問題，事關滬港通開通以來，AH股之間的差價並無如預期之中收窄，相反，隨住內地股市猛升，AH股反而維持了相當大的差價，去到一定水位後，內地資金來港執平貨，是必然過程。
梁特晤滬官 阿爺引水滬港通合時
只不過，今次北水開通嘅時間實在夾得天衣無縫，事關梁特今日就會同一班馬仔去上海開會，到時見到上海領導人，有人又會把握機會「吔文吔武」。咁難得畀到機會老細攞威，一班財金官員們，也是時候跟主子邀個功吧。
梁特鍾意抽水認叻，不是什麼國家機密，就連5歲小朋友都知。近期佢講得多嘅，除咗政改同基本法，仲有亞投行，若將他的「連任辦」、「港人講地」都計埋，還包括「反港獨」。「港人講地」還搵了沈旭暉做一連串視像訪問，講解「亞投行」同「一帶一路」，就連CCTVB嗰份都做埋。咁落本宣傳，背後一定有指導思想啦。
落本宣傳亞投行「補飛」
亞投行到目前還在起步階段，很多細節例如投票機制、股本、領導層人選等全部未出台，即使十畫未有一撇，梁特就咁神心念茲在茲念念有詞，唔使問阿貴都知道佢有乜企圖啦！係人都知亞投行同一帶一路，係習總嘅Baby，梁特施政報告竟然隻字不提，畀財爺喺預算案搶咗風頭，如今一定會加把勁日講夜講「補飛」，可惜單料到目前為止都仍然停留在吹水階段，加上梁特講親經濟，都難有實質，到時候梁特是否仲可以邀功，也很難說。
講番正經。觀乎各國不怕得罪美帝，冒死表態加入亞投行，習總今次呢步「合縱連橫」未開局已經贏咗，祖國要實現「超英趕美」，或許再唔係笑話一則。
亞投行雖然要等到年底才開張，而成員之間又未傾掂行長人選，但塘邊鶴都普遍相信，來自內地財金系統、曾出任亞洲開發銀行副行長嘅金立群出任行長嘅呼聲最高，事實上金立群目前已經係亞投行多邊臨時秘書處嘅秘書長。呢位金先生來頭甚猛，在九七亞洲金融風暴打過硬仗。與王岐山一樣，他是 「老三屆」高中生，王向農村經濟方向發展，金因念外語，加入財政部後獲派往美國，其千金後來也在美國留學，是哈佛高材生，是習總女兒習明澤的師姐。
港人做行長 可避免國際反感
按金立群目前的行情，要做首任亞投行行長應是探囊取物，除非其他成員國大力反對。筆者忽發奇想，如果其他成員國擔心亞投行總部設在北京後，再找一個中國官員做行長，北京影響力太大，其實可以考慮找一個香港人出任，以我們的特殊地位，相信國家安心之餘，其他成員國都好難say no。就好似「雞珍」陳馮富珍在世衛的成功經驗，找個香港人幫國家解決煩惱的確係一條好橋。至於人選方面，若果是梁特，你估香港人會否舉腳贊成呢？
[應正亮 廿四味]
筆者曾經在不同場合，聽過港交所高層推銷滬港通，每次講到港股通「唔通」，高層講完一堆官話，答案其實都係一句：「等吓啦，好快啦。」態度的確有啲似寶藥黨，難怪被記者咬住唔放。到昨日北水終於到位，財演們定必會陸續出來扮「先知」，但計筆者話，其實都係時間問題，事關滬港通開通以來，AH股之間的差價並無如預期之中收窄，相反，隨住內地股市猛升，AH股反而維持了相當大的差價，去到一定水位後，內地資金來港執平貨，是必然過程。
梁特晤滬官 阿爺引水滬港通合時
只不過，今次北水開通嘅時間實在夾得天衣無縫，事關梁特今日就會同一班馬仔去上海開會，到時見到上海領導人，有人又會把握機會「吔文吔武」。咁難得畀到機會老細攞威，一班財金官員們，也是時候跟主子邀個功吧。
梁特鍾意抽水認叻，不是什麼國家機密，就連5歲小朋友都知。近期佢講得多嘅，除咗政改同基本法，仲有亞投行，若將他的「連任辦」、「港人講地」都計埋，還包括「反港獨」。「港人講地」還搵了沈旭暉做一連串視像訪問，講解「亞投行」同「一帶一路」，就連CCTVB嗰份都做埋。咁落本宣傳，背後一定有指導思想啦。
落本宣傳亞投行「補飛」
亞投行到目前還在起步階段，很多細節例如投票機制、股本、領導層人選等全部未出台，即使十畫未有一撇，梁特就咁神心念茲在茲念念有詞，唔使問阿貴都知道佢有乜企圖啦！係人都知亞投行同一帶一路，係習總嘅Baby，梁特施政報告竟然隻字不提，畀財爺喺預算案搶咗風頭，如今一定會加把勁日講夜講「補飛」，可惜單料到目前為止都仍然停留在吹水階段，加上梁特講親經濟，都難有實質，到時候梁特是否仲可以邀功，也很難說。
講番正經。觀乎各國不怕得罪美帝，冒死表態加入亞投行，習總今次呢步「合縱連橫」未開局已經贏咗，祖國要實現「超英趕美」，或許再唔係笑話一則。
亞投行雖然要等到年底才開張，而成員之間又未傾掂行長人選，但塘邊鶴都普遍相信，來自內地財金系統、曾出任亞洲開發銀行副行長嘅金立群出任行長嘅呼聲最高，事實上金立群目前已經係亞投行多邊臨時秘書處嘅秘書長。呢位金先生來頭甚猛，在九七亞洲金融風暴打過硬仗。與王岐山一樣，他是 「老三屆」高中生，王向農村經濟方向發展，金因念外語，加入財政部後獲派往美國，其千金後來也在美國留學，是哈佛高材生，是習總女兒習明澤的師姐。
港人做行長 可避免國際反感
按金立群目前的行情，要做首任亞投行行長應是探囊取物，除非其他成員國大力反對。筆者忽發奇想，如果其他成員國擔心亞投行總部設在北京後，再找一個中國官員做行長，北京影響力太大，其實可以考慮找一個香港人出任，以我們的特殊地位，相信國家安心之餘，其他成員國都好難say no。就好似「雞珍」陳馮富珍在世衛的成功經驗，找個香港人幫國家解決煩惱的確係一條好橋。至於人選方面，若果是梁特，你估香港人會否舉腳贊成呢？
[應正亮 廿四味]
回應 (0)
