新聞類別
財經
詳情#
【明報專訊】近幾年，可能人老咗，望住班後生，好多嘢睇唔順眼（香港唔係淨係689先會令人眼冤）。其中一樣，就係所謂「本土派」同「本土意識」，加埋佢哋支龍獅旗，筆者看在眼中只覺得不倫不類，好想反問一句：香港幾時變得咁落後？
關門唔做生意太過火
好多老友都話，香港新一代愈來愈inward looking，將inward looking包裝成「本土意識」，是部分政客近年搶青年人選票嘅伎倆。最近兩件事反映呢種內向心態，一單係反對自由行，另一單就係機場三跑。自開埠以來，香港一直打開門做生意，近年因為水貨客問題，搞到差不多要鎖島封港，筆者當然明白，個別地區居民生活畀班「篋神」搞到「雞毛鴨蒜」，但話要關起門唔做生意，就實在太過火。
三跑嘅問題就更加耐人尋味。無論你是否Frequent Flyer，都一定知道香港機場迫爆，要擴建是常理。但這邊廂行會拍板宣布三跑上馬，那邊廂，一班網上鍵盤戰士立即群起圍攻，炒蝦拆蟹，完全出乎筆者意料之外。
利用區內機場 不利本土定位
仔細睇吓班鍵盤戰士嘅理據，更加令筆者莫名其妙。有人話，其實香港毋須要擴建，可以利用區內其他機場，發揮所謂協同效應。大家都知道，香港機場同區內其他機場根本就在different leagues，叫我哋同其他機場合作，其實即係叫我哋向其他機場「輸血」，若果從香港本位（或者你叫本土都好），這種思維肯定不符合香港利益。
另一個叫筆者更加奇怪的，是民航處前處長林光宇竟然成為反三跑的主要炮手。大家或者仲記得，呢名林前處長係民建聯成員，來自建制派政黨，加上民航處前高層，竟然會掉轉槍頭反政府？單是這個角度，已經令到筆者有無限幻想。香港興建三跑涉及不少人、公司同政府利益，各路人馬各施奇謀絕不出奇，林先生和其他反對者的言論，有幾多道理，有幾多攻擊，市民要識分就要做多啲功課，政府遇上強勁對手就肯定有排煩。
建制中人重炮反三跑 惹無限幻想
筆者直覺，青年人反對起三跑，當中有幾多是出於對現屆政府的不信任？如果單單因為不信任一個人，而犧牲香港長遠利益，這實在是大悲劇。更重要的是，將這種不信任和inward looking包裝成本土意識崛起，香港更加無運行。
新加坡國父李光耀逝世，終年91歲，小弟幾名新加坡朋友，都不禁傷心，有個仲因為諗起佢一生都為咗新加坡而喊咗出嚟。見佢流馬尿一刻，真係有少少羨慕坡佬，可以有個值得人民流淚嘅領袖。大家成日話新加坡係一個好悶嘅城市，但當你睇到總理府門外男男女女眼紅紅咁獻花，唔係朝鮮人民嘅哭喪，而係淚水在眼眶流轉嗰種敬重同不捨，呢個城市剎那間充滿情感，就知道李光耀為新加坡殫精竭慮。
以李光耀嘅聰明才智，有幾多人可以同佢惺惺相惜？相信誠哥係其中一人。據路邊消息表示，兩人早於1960年代中認識，係真正跨過半世紀嘅老朋友，誠哥於2007年捐出1億坡幣，畀李光耀搞公共政策學院，創立埋教育基金，據聞李光耀當年一個電話，誠哥立刻答允；李光耀八十大壽，誠哥不但是座上客，仲坐埋佢右手邊；星期一李家在總理府內舉行私人悼念，誠哥三父子獲邀出席，仲得到官方發相，呢種肯定，心照不宣。
李光耀與李嘉誠惺惺相惜
識英雄，重英雄，成日視新加坡為競爭對手嘅香港，普遍也認為李光耀功多於過。小弟無資格評論呢位巨人，但見到成日話學新加坡嘅梁特，就更加羨慕新加坡曾經出現一位國際級嘅英明領導。
[應正亮 廿四味]
關門唔做生意太過火
好多老友都話，香港新一代愈來愈inward looking，將inward looking包裝成「本土意識」，是部分政客近年搶青年人選票嘅伎倆。最近兩件事反映呢種內向心態，一單係反對自由行，另一單就係機場三跑。自開埠以來，香港一直打開門做生意，近年因為水貨客問題，搞到差不多要鎖島封港，筆者當然明白，個別地區居民生活畀班「篋神」搞到「雞毛鴨蒜」，但話要關起門唔做生意，就實在太過火。
三跑嘅問題就更加耐人尋味。無論你是否Frequent Flyer，都一定知道香港機場迫爆，要擴建是常理。但這邊廂行會拍板宣布三跑上馬，那邊廂，一班網上鍵盤戰士立即群起圍攻，炒蝦拆蟹，完全出乎筆者意料之外。
利用區內機場 不利本土定位
仔細睇吓班鍵盤戰士嘅理據，更加令筆者莫名其妙。有人話，其實香港毋須要擴建，可以利用區內其他機場，發揮所謂協同效應。大家都知道，香港機場同區內其他機場根本就在different leagues，叫我哋同其他機場合作，其實即係叫我哋向其他機場「輸血」，若果從香港本位（或者你叫本土都好），這種思維肯定不符合香港利益。
另一個叫筆者更加奇怪的，是民航處前處長林光宇竟然成為反三跑的主要炮手。大家或者仲記得，呢名林前處長係民建聯成員，來自建制派政黨，加上民航處前高層，竟然會掉轉槍頭反政府？單是這個角度，已經令到筆者有無限幻想。香港興建三跑涉及不少人、公司同政府利益，各路人馬各施奇謀絕不出奇，林先生和其他反對者的言論，有幾多道理，有幾多攻擊，市民要識分就要做多啲功課，政府遇上強勁對手就肯定有排煩。
建制中人重炮反三跑 惹無限幻想
筆者直覺，青年人反對起三跑，當中有幾多是出於對現屆政府的不信任？如果單單因為不信任一個人，而犧牲香港長遠利益，這實在是大悲劇。更重要的是，將這種不信任和inward looking包裝成本土意識崛起，香港更加無運行。
新加坡國父李光耀逝世，終年91歲，小弟幾名新加坡朋友，都不禁傷心，有個仲因為諗起佢一生都為咗新加坡而喊咗出嚟。見佢流馬尿一刻，真係有少少羨慕坡佬，可以有個值得人民流淚嘅領袖。大家成日話新加坡係一個好悶嘅城市，但當你睇到總理府門外男男女女眼紅紅咁獻花，唔係朝鮮人民嘅哭喪，而係淚水在眼眶流轉嗰種敬重同不捨，呢個城市剎那間充滿情感，就知道李光耀為新加坡殫精竭慮。
以李光耀嘅聰明才智，有幾多人可以同佢惺惺相惜？相信誠哥係其中一人。據路邊消息表示，兩人早於1960年代中認識，係真正跨過半世紀嘅老朋友，誠哥於2007年捐出1億坡幣，畀李光耀搞公共政策學院，創立埋教育基金，據聞李光耀當年一個電話，誠哥立刻答允；李光耀八十大壽，誠哥不但是座上客，仲坐埋佢右手邊；星期一李家在總理府內舉行私人悼念，誠哥三父子獲邀出席，仲得到官方發相，呢種肯定，心照不宣。
李光耀與李嘉誠惺惺相惜
識英雄，重英雄，成日視新加坡為競爭對手嘅香港，普遍也認為李光耀功多於過。小弟無資格評論呢位巨人，但見到成日話學新加坡嘅梁特，就更加羨慕新加坡曾經出現一位國際級嘅英明領導。
[應正亮 廿四味]
回應 (0)
