工黨葉榮擬區選撼葛珮帆

【明報專訊】工黨今年打算派12名社區幹事出選年底區議會選舉，當中有唔少係喺佔領運動嘅活躍分子，包括有喺雨傘運動後先入黨嘅貨車司機宋子明，佢計劃喺沙田區出選，希望將更多政治議題帶入社區。另一邊廂，立法會議員張超雄助理葉榮有意挑戰民建聯葛珮帆，葉榮話佢已經喺該區服務兩年多，至於勝算如何，葉榮話要做好地區工作先。


工黨副主席譚駿賢話，12人有意挑戰嘅選區，大部分都由建制派長年壟斷，坦言選戰唔易打，例如譚駿賢打算出選嘅屯門友愛邨，現任區議員喺民建聯陳雲生，咁啱得咁蹺，陳雲生正係去年到廉署檢舉工黨主席李卓人涉收受捐款嘅投訴人。