有話說﹕小學升中都有gap year？

【明報專訊】Gap year呢家嘢，Happy Mama讀大學嗰時都玩過，讀讀下書，休學一年，可以去外國exchange見下世面，或者返工試下做大人咁。大學生要自主人生，梗係咩都要試下啦！但近排聽到有個朋友想畀自己準備升中嘅囝囝gap year，中小學生都可以咁玩咩？會唔會free得濟吖？


體驗式學習助重整人生方向

朋友話，休學一年係去參加「敢動年學習計劃」，由Holistic Education Foundation、天使家庭中心等多個機構合辦。Happy Mama搵咗天使家庭中心訓練總監黃鎮昌Marco傾過，佢話家嘅主流教育，學生都係被動地吸收知識，但學習極需要主動，而計劃目的係透過體驗式學習，讓學生重整人生目標方向，反思哪些學習方式最適合自己，同埋搵返自學的動力。


內容方面，學生要上堂，主要上中英數科，另外會學造船、登山、做社區服務等活動，從中學習術科知識和正確的價值觀。但gap完一年點銜接返中學呢？Marco話，學校其實可以為學生保留學位，如果學校唔肯，咁就要自己再搵喇。


機構將於4月10至12日舉辦一個為期三日的體驗營，讓學生試試gap year會做啲乜、學啲乜，詳情可瀏覽網址﹕www.facebook.com/holisticeducationfoundation。