葉劉率新民黨海南島考察

【明報專訊】剛過去嘅星期三，新民黨主席葉劉淑儀離開咗香港，並無現身立法會，仲記得《施政報告》時佢突然離港，後來大家先知原來佢上咗北京；今次離港葉太唔再係去北京搵朋友，而係去海南島，同新民黨一班成員考察。


參觀國共內戰遺址

佢噚日喺facebook話，今年博鰲亞洲論壇即將舉行，新民黨一行20人前幾日去到呢個全球焦點考察。葉太話，佢同副主席潘國山及公民力量啲區議員，一齊去到海南島考察同去景點遊覽，葉太話自己去咗兩日，參觀咗國共內戰時解放軍登陸作戰遺址，家該處已變成海口市海甸島白沙門公園，佢話佢哋去到時仲遇到吹色士風嘅大叔，自己仲做fans合照。


葉太又話，喺海南參觀期間，發現有條街叫「新民路」，佢都被呢個咁親切嘅名吸引住，又話該地段人流最旺，就同新民黨一樣咁熱鬧、人丁暢旺喎。