惜食堂 大廚房開張

【明報專訊】「小寶慈善基金」推動嘅「惜食堂」，專搞回收剩餘食物製作愛心飯餐，噚日舉行港島中央廚房喬遷及擴建開幕禮，得到上海總會提供柴灣工廈單位，仲贊助埋裝修費用，面積成4200平方呎，差唔多大過以前一半，而由港姐組成嘅慧妍雅集就捐款購置廚房設備。


每日製作6000份餐

「惜食堂」中央廚房由2012年成立至今，已經回收咗超過100萬公斤食材，製作超過130萬份愛心飯餐，受惠者達2萬人。「惜食堂」主席梁錦松話，中央廚房剛成立時，每日飯餐製作量只得200盒，家每日可以製作到6000份飯餐同食物包，捐贈機構由2012年嘅26間，增加到家超過150間，受惠單位亦由6間增加到100幾間。