新聞類別
財經
詳情#
【明報專訊】里昂證券每年都會喺香港搞投資論壇，而且向來都幾受歡迎，皆因除咗有一眾金融界人仕出席之外，每年仲會搵一位星級嘉賓出席，舊年就係做過加州州長嘅阿諾舒華辛力加講talk。不過小琴收到風，今年里昂可能會取消呢個環節，因為中國家大力推行反貪、節儉，現時屬於中信證券全資子公司嘅里昂都要跟隨。
里昂證券向來噱頭多多，除咗每年農曆年初推出風水指數之外，每年喺灣仔君悅酒店舉行嘅投資論壇，例牌會搵猛人做演講嘉賓，數返之前分別有拳王泰臣、荷李活型男佐治古尼、萬人迷碧咸，舊年就係演而優則仕、做過加州州長嘅阿諾舒華辛力，反應一直唔錯。雖然呢類演講通常都唔開放俾傳媒，但小琴覺得無咗嘅話都幾可惜。
講返里昂證券，最初由經濟師Jim Walker同埋港商胡漢輝創立，及後有法國里昂信貸銀行入股，一直以香港為總部。至到2012年，中信証券全資子公司中信証券國際向里昂提出收購，2013年完成交易，中文全名改為中信里昂證券，英文名就維持CLSA。
[小琴密語 email: piano@mingpao.com]
里昂證券向來噱頭多多，除咗每年農曆年初推出風水指數之外，每年喺灣仔君悅酒店舉行嘅投資論壇，例牌會搵猛人做演講嘉賓，數返之前分別有拳王泰臣、荷李活型男佐治古尼、萬人迷碧咸，舊年就係演而優則仕、做過加州州長嘅阿諾舒華辛力，反應一直唔錯。雖然呢類演講通常都唔開放俾傳媒，但小琴覺得無咗嘅話都幾可惜。
講返里昂證券，最初由經濟師Jim Walker同埋港商胡漢輝創立，及後有法國里昂信貸銀行入股，一直以香港為總部。至到2012年，中信証券全資子公司中信証券國際向里昂提出收購，2013年完成交易，中文全名改為中信里昂證券，英文名就維持CLSA。
[小琴密語 email: piano@mingpao.com]
回應 (0)
