新聞類別
財經
詳情#
【明報專訊】買亞視猶如服毒自殺？創業板公司皓文（8019）周三自爆有意收購亞視後，股價連續兩日狂瀉。消息公布首日已經高開低收，昨日再跌45%，蒸發咗超過6億市值，差唔多係原有嘅一半。
蒸發差不多一半市值
本身從事銷售生物分解容器嘅皓文名不見經傳，今次因為可能成為亞視「白武士」突然成傳媒焦點，仲愈傳愈多料，話間公司得到內地神秘資金支持，計劃收購王征手上嘅亞視控制性股權。不過單野而家仲充滿問號，亞視執董葉家寶仲同人講「不要上當」"口添"。
網民：買亞視如服毒
有網民就講笑話亞視查實係毒藥，仲搵咗唔少資料，當年有份接手嘅富豪好似邱德根、林百欣，公司先後都出現過問題，甚至現任股東查氏家族，呢幾年啲生意都好麻麻，王征？就更加唔使講啦。
[小琴密語 email: piano@mingpao.com]
回應 (0)
