湯家驊贈歌泛民北京：最好不相見

公民黨湯家驊（Ronny）噚日指有接近政府嘅人向佢透露，人大常委會副秘書長李飛或於下月初來港，到時或有機會同泛民議員會面。Ronny喺朝早講完，下午就喺facebook話要送電影《非誠勿擾2》嘅片尾曲畀泛民同事及北京，而首歌名就係《最好不相見》！Ronny話如果雙方都無意拎出誠意改善關係，咁不如唔好見嘞。


若皆無誠意 不如「非誠勿擾」

《最好不相見》有幾句歌詞係咁嘅﹕「最好不相見，便可不相戀。最好不相知，便可不相思。最好不相伴，便可不相欠」，雖然呢首係愛情歌，配合戲中葛優同舒淇若即若離嘅關係，但Ronny就覺得如果泛民同中央都無誠意解決問題，就不如「非誠勿擾」，抽水可免。佢仲話，如果雙方只為再次展示自己嘅立場，見面係做場show，就無意思啦，仲可能會令雙方關係更僵，咁不如「最好不相見」。