新聞類別
財經
詳情#
【明報專訊】自從國家主席習近平提倡節儉，以前兩會期間政協委員們大show名牌嘅情況，呢兩年已一掃而空，如果仲想見到恒大（3333）主席許家印條Hermes皮帶，恐怕往事都只待成追憶。
另一位鍾情名牌嘅政協，首推前國務院總理李鵬個女、有「中國電力一姐」之稱嘅李小琳（圖），過去兩會成日見佢著住Gucci、Chanel外加名貴首飾，十足珠光寶氣，但習總一聲節儉令下，從去年開始，李小琳都唔敢再show佢嘅名牌衫同手袋。
而今年，由於兩會前發生匯豐銀行瑞士分行幫客戶逃稅事件，李小琳也是匯豐瑞士客戶之一，令到佢更加低調，除咗繼續唔戴任何飾物同只係拎環保袋之外，仲只係肯同記者講電力發展，一聽到有人提「瑞士」就當聽唔到。咁唔係瑞士就關逃稅事架嘛，可能人地係想問佢會唔會去瑞士巴塞爾珠寶展睇首飾呢。
email: piano@mingpao.com
[小琴密語]
另一位鍾情名牌嘅政協，首推前國務院總理李鵬個女、有「中國電力一姐」之稱嘅李小琳（圖），過去兩會成日見佢著住Gucci、Chanel外加名貴首飾，十足珠光寶氣，但習總一聲節儉令下，從去年開始，李小琳都唔敢再show佢嘅名牌衫同手袋。
而今年，由於兩會前發生匯豐銀行瑞士分行幫客戶逃稅事件，李小琳也是匯豐瑞士客戶之一，令到佢更加低調，除咗繼續唔戴任何飾物同只係拎環保袋之外，仲只係肯同記者講電力發展，一聽到有人提「瑞士」就當聽唔到。咁唔係瑞士就關逃稅事架嘛，可能人地係想問佢會唔會去瑞士巴塞爾珠寶展睇首飾呢。
email: piano@mingpao.com
[小琴密語]
留言 (0)
