棋哥講錯「上綱上網」

【明報專訊】全國人大委員長張德江見港澳政協委員，一如以往，有唔少講話都係關埋門先講，其中，抄筆記抄得最足嘅全國人大常委陳永棋，當然係協助記者傳話嘅首選之一。不過，棋哥就有少少甩轆，事關佢將「不應該將有關港澳同內地民眾嘅媒體報道『上綱上線』」，講咗做「上綱上『網』」，聽到Emily一頭霧水，好在唔少委員都獲發張委員長嘅「談話重點」，之後都唔難搵人求證。


吳光正提3反問

其實，唔同委員傳話方式都好唔同，好似全國政協常委吳光正同委員林健鋒，都無照稿讀，仲夾敘夾議。吳光正仲提出3個反問，包括反問點解中央政府肯畀500萬人選特首，而有人話唔好；反問中央政府已決定取消1200人選舉委員、變提名委員，點解仲有人想保留1200人選委；反問中央已給予2020年立法會普選機會，而有人否決唔想要？


吳光正形容，中央畀普選香港係「零代價」同「免費」，至於中央可以畀到乜嘢泛民下台，吳光正話已經講晒所有理由，認為香港市民應該好好諗吓佢上面提出嘅3個問題。