「候補人」建議方案 模擬譚sir田少葉劉選特首

【明報專訊】由前政務司長陳方安生做召集人嘅「香港2020」噚日開記者會，介紹最新嘅「候補人」政改方案，仲整咗個模擬情况解釋一下。


何俊仁梁家傑候補

喺呢個模擬情况嘅「平行空間」下，民建聯譚耀宗、新民黨葉劉淑儀，以及自由黨田北俊成功「出閘」成為正式特首候選人；民主黨何俊仁同公民黨梁家傑，就因為未能取得提委會過半數支持，只能以「候補人」身分「出閘」。


根據香港2020嘅方案，選票上會有齊候選人同「候補人」畀市民揀，市民可以揀一個心水。如果第一輪投票無人有過半數支持，就有第二輪選舉。結果，不論喺一輪投票抑或兩輪投票下，都係譚耀宗當選特首。


呢個模擬情况有無乜嘢玄機？大家唔好諗多咗，上述人名只係舉例，不過個結果似乎想令中央安心。