莫宜端港大醫學院返新工

【明報專訊】踏入羊年，官場傳來民政事務局政治助理徐英偉辭職嘅消息。咁啱Emily周三喺港大醫學院春茗見到勞工及福利局前政治助理莫宜端。原來港大醫學院院長梁卓偉（Gabriel）挖咗莫過港大幫手，出任港大醫學院助理教務長（對外關係）。


梁卓偉成功游說過檔

港大醫學院前對外關係經理Sam Kwong喺2013年11月離職，職位一直懸空。莫宜端過檔出任呢個職位係高一級，相當於高級經理。佢話同Gabriel喺上屆政府政治團隊已認識，當時Gabriel係食物及衛生局副局長。


2013年8月莫辭咗政助份工返屋企湊一對年幼仔女。之後，佢兼職為一間兒童學校工作。Gabriel喺任期屆滿後返港大醫學院做院長，同時游說莫過檔幫佢，莫覺得囡囡已3歲半，大個咗啲，佢可以再試做全職工作喇。