新聞類別
副刊
詳情#
【明報專訊】三月將至，又踏入升中面試旺季。Happy Mama身邊的媽咪friend都開始煩緊點樣同仔女備戰。究竟點樣可以令子女突圍而出呢？Happy Mama同前喇沙書院副校長兼本刊升學專欄作家趙榮德（趙sir）傾過。他分享了三大常見面試失分位，以及拆解方法﹕
1. 父母失蹤 家傭陪面試
趙sir解釋﹕「雖然學校只會面見學生，但都會留意學生由邊個陪同。不少學校都着重家校合作，家長陪同子女面試，印象分自然加唔少。」他更強調父母同行，特別有着數﹕「尤其男校特別着重父親在家庭的角色，因此父母同行就最好，亦表示出對入學的誠意。」
2. 等待室坐唔定
如果個學生在面試室坐唔定，印象又點會好。所以家長應該為子女準備一本書，等佢哋在面試前可以安定心神。
3. 遇難題 一句「唔識」算數
趙sir解釋﹕「好多學生就咁一句『我唔識』就算，失晒分。相反，如果學生答﹕『我家唔識，但我會去學。』就反映學習態度積極。」趙sir又教路，最理想的答案是學生引導對方認識自己的強項﹕「例如學校問個學生識唔識玩手球，學生話唔識，但我識踢足球，仲得過獎，你願唔願意聽下我分享？」咁就容易令學校對學生留下好印象。
面試完畢，家長亦可以鼓勵子女親筆寫道謝卡，送給負責面試的校長或者老師，感謝對方給予自己面試機會。趙sir說：「如果學校收到一張親筆寫的道謝卡，容易對學生留下好印象。」不過道謝卡要係仔女發自內心感謝，千祈唔好由父母代勞，否則只會適得其反。最後，Happy Mama祝莘莘學子都可以入讀自己心儀的中學。
文﹕Happy Mama
1. 父母失蹤 家傭陪面試
趙sir解釋﹕「雖然學校只會面見學生，但都會留意學生由邊個陪同。不少學校都着重家校合作，家長陪同子女面試，印象分自然加唔少。」他更強調父母同行，特別有着數﹕「尤其男校特別着重父親在家庭的角色，因此父母同行就最好，亦表示出對入學的誠意。」
2. 等待室坐唔定
如果個學生在面試室坐唔定，印象又點會好。所以家長應該為子女準備一本書，等佢哋在面試前可以安定心神。
3. 遇難題 一句「唔識」算數
趙sir解釋﹕「好多學生就咁一句『我唔識』就算，失晒分。相反，如果學生答﹕『我家唔識，但我會去學。』就反映學習態度積極。」趙sir又教路，最理想的答案是學生引導對方認識自己的強項﹕「例如學校問個學生識唔識玩手球，學生話唔識，但我識踢足球，仲得過獎，你願唔願意聽下我分享？」咁就容易令學校對學生留下好印象。
面試完畢，家長亦可以鼓勵子女親筆寫道謝卡，送給負責面試的校長或者老師，感謝對方給予自己面試機會。趙sir說：「如果學校收到一張親筆寫的道謝卡，容易對學生留下好印象。」不過道謝卡要係仔女發自內心感謝，千祈唔好由父母代勞，否則只會適得其反。最後，Happy Mama祝莘莘學子都可以入讀自己心儀的中學。
文﹕Happy Mama
回應 (0)
