滴滴快的合併 同行勁葡萄

【明報專訊】快的同滴滴兩家Call車軟件公司宣布戰略合併，震撼全國，有數據話合併後佢哋會佔全國成90%市佔率，難怪令其他同行眼紅，易到用車噚日就去舉報佢哋違反《壟斷法》，搞到小琴都好似聞都陣葡萄味咁。市場原本傳嘅係易到同滴滴合併，點知結果出嚟唔係呢回事，淨係睇易到用車以「大未必好；夢想，並非金錢造」回應，已經成陣酸溜溜味道。之後仲走去舉報話合併有違《壟斷法》，要求立案調查兼禁止單刁進行。


但你有你舉報，我有我造勢，快的打車嘅香港分部快的Taxi就趁住合併，宣布响年初一（19日）至年初八（25日）派出8888封現金利市。


[小琴密語]