「我最尊敬的人梁振英」 大埔小學否認出題

【明報專訊】前日有網民喺社交網站分享話，大埔舊墟公立學校小學六年班嘅中文作文題目係「我最尊敬的人」，但學生只可以寫尊敬特首梁振英。網民話佢同事個女就因為寫唔尊敬梁振英，仲話原因係「因為佢講大話呃人」，最後篇文只係得28分。呢個網民又留言話，呢間學校英文作文題係想做嘅終身職業，學生可以揀寫警察或者廉政公署。


聲稱女兒「唔尊敬」CY 只得28分

Emily見到呢個post都嚇咗一跳，於是就打電話畀大埔舊墟公立學校校長張麗珠求證，佢話全校呢個學期嘅中英文作文題，都無呢兩個題目，而呢類開放式嘅作文題，佢哋係唔會有指定對象嘅。


否認只辦內地交流

另外有報道話呢間學校成日帶學生去內地交流，學校發言人就話學校一向都鼓勵學生探索世界，擴闊國際視野，今個學年舉辦嘅交流團地點就唔單止有內地，仲有美國、台灣同韓國。