新聞類別
財經
詳情#
【明報專訊】阿里同工商總局嘅假貨爭議早排雖然握手言和，但影響就似乎仍然好大，好似國際速遞公司FedEx公布一項調查，發現香港中小企普遍對用中國網購平台做生意無乜興趣，因為覺得中國平台貨品質素「參差不齊」，分分鐘令自己嘅心愛產品被當成劣質貨，而歐美人更識欣賞佢地嘅藝術設計，商家都無信心，睇嚟馬雲要諗諗計。
FedEx香港及澳門董事總經理梁銘添話，港商更偏好將產品賣到歐美，因為當地買家會更識貨。網上消費方面，佢哋隨機調查咗550位曾網購嘅香港人，有六成稱網購最少佔佢地每月購物總額一成，有兩成仲話每年最少洗成4000蚊網購。佢話香港人網購特色係想買啲香港難買到嘅特別物品，例如加勒比海祖傳辣椒醬、或者日本土產士多啤梨。調查仲發現，香港人網購嘅心急指數全球應該排前列，74%網購人士希望貨品一個星期內可送達，全球呢個比例只有44%，更有27%港人希望三日內送達，梁銘添話有直接跑去FedEx貨物中轉站攞貨。
[小琴密語 email: piano@mingpao.com]
FedEx香港及澳門董事總經理梁銘添話，港商更偏好將產品賣到歐美，因為當地買家會更識貨。網上消費方面，佢哋隨機調查咗550位曾網購嘅香港人，有六成稱網購最少佔佢地每月購物總額一成，有兩成仲話每年最少洗成4000蚊網購。佢話香港人網購特色係想買啲香港難買到嘅特別物品，例如加勒比海祖傳辣椒醬、或者日本土產士多啤梨。調查仲發現，香港人網購嘅心急指數全球應該排前列，74%網購人士希望貨品一個星期內可送達，全球呢個比例只有44%，更有27%港人希望三日內送達，梁銘添話有直接跑去FedEx貨物中轉站攞貨。
[小琴密語 email: piano@mingpao.com]
回應 (0)
