新聞類別
財經
詳情#
【明報專訊】Call的App混戰今日正式開打！UBER噚日向每名登記用戶發電郵，話今日全香港用佢嘅App，就可以免費搭兩程的士。阿里旗下嘅Call車App「快的」即刻高調應戰，陪UBER一齊「燒錢」搶客。
UBER話，今日所有登記使用UBER嘅司機都會參與活動，目前已登記嘅司機「數以千計」。從今日零時至夜晚11點59分，每程車資200元以內，市民可以免費搭車，超過200元部分就要用信用卡畀錢。消息發布幾個鐘頭，快的即刻部署反擊，宣布今日會對司機每程車補貼18元，話因為UBER今日唔會特別補貼司機，所以呢種方式或可以令司機少用UBER，令全日市民用UBER難搭上的士。究竟呢場混戰邊個會贏呢？大家不妨一邊做花生友，一邊試吓搭唔搭到免費的士啦。阿里不但加入的士燒錢戰，旗下支付寶亦宣布，用戶在農曆新年期間（本月16日至25日）喺香港使用支付寶錢包完成首宗消費，最高可獲半價優惠，超過20家商家參與活動，包括百老匯、I.T.同美心。
[小琴密語 email: piano@mingpao.com]
UBER話，今日所有登記使用UBER嘅司機都會參與活動，目前已登記嘅司機「數以千計」。從今日零時至夜晚11點59分，每程車資200元以內，市民可以免費搭車，超過200元部分就要用信用卡畀錢。消息發布幾個鐘頭，快的即刻部署反擊，宣布今日會對司機每程車補貼18元，話因為UBER今日唔會特別補貼司機，所以呢種方式或可以令司機少用UBER，令全日市民用UBER難搭上的士。究竟呢場混戰邊個會贏呢？大家不妨一邊做花生友，一邊試吓搭唔搭到免費的士啦。阿里不但加入的士燒錢戰，旗下支付寶亦宣布，用戶在農曆新年期間（本月16日至25日）喺香港使用支付寶錢包完成首宗消費，最高可獲半價優惠，超過20家商家參與活動，包括百老匯、I.T.同美心。
[小琴密語 email: piano@mingpao.com]
回應 (0)
