新聞類別
財經
詳情#
【明報專訊】潮流興網購,大新銀行(2356)針對網購市場推出咗新服務,當中包括網購保險,不過原來唔包假貨,即係大家如果貪平,喺淘寶用25蚊買隻「撈」,大新保險唔會保你。
大新銀行話,唔包假貨係避免雙重賠償,因為某程度上,份保單其實都包含咗「未能使用服務之損失」。不過大新保險嘅員工同小琴講,真正原因係「馬雲都處理唔到嘅問題,我哋都搞唔掂」。
不過,雖然最易中招嘅假貨唔保,但保障範圍都幾大,包括收唔到貨或者延誤送到、貨品意外損毀、畀咗錢後發現係欺詐網站、又或者信用卡被盜用。另外又有延伸保障,例如網購咗演唱會飛,之後因意外去唔到,或者網購咗一餐飯,食完食物中毒,呢啲情况都可能有得保。
呢項服務睇落好似好吸引,不過原來有500蚊係「每次事故自負額」,即係損失超過500蚊先可能有得賠。每年畀1800蚊保費值唔值呢?大家自行判斷啦。
[小琴密語]
大新銀行話,唔包假貨係避免雙重賠償,因為某程度上,份保單其實都包含咗「未能使用服務之損失」。不過大新保險嘅員工同小琴講,真正原因係「馬雲都處理唔到嘅問題,我哋都搞唔掂」。
不過,雖然最易中招嘅假貨唔保,但保障範圍都幾大,包括收唔到貨或者延誤送到、貨品意外損毀、畀咗錢後發現係欺詐網站、又或者信用卡被盜用。另外又有延伸保障,例如網購咗演唱會飛,之後因意外去唔到,或者網購咗一餐飯,食完食物中毒,呢啲情况都可能有得保。
呢項服務睇落好似好吸引,不過原來有500蚊係「每次事故自負額」,即係損失超過500蚊先可能有得賠。每年畀1800蚊保費值唔值呢?大家自行判斷啦。
[小琴密語]
留言 (0)