基層婆婆變人肉圖書說故事

【明報專訊】為記錄老人家經歷嘅歷史，香港社區組織協會（SoCO）以「活著」為題，為一批長者寫咗本書，仲搞咗個攝影展。呢個攝影展最近由文化中心移師去深水埗汝州街SoCO展覽館，展覽靚相唔少，SoCO今次仲會搞講座，由負責嘅攝影師林振東講吓創作過程，又有社工同埋參與展覽嘅老人家做講者，講吓社會對長者嘅照顧夠唔夠。活動收費40元，用嚟支持一下SoCO嘅扶貧工作。


活動費用幫SoCO扶貧

如果嫌講座話題太嚴肅嘅話，可以去「真人圖書館」，SoCO搵咗一班經歷唔少人生故事嘅公公婆婆做「人肉圖書」，同大家分享經歷。Emily提提大家，攝影展去到3月29日，其他活動只開一場，名額有限，要參加記得事先打電話去2713 9165預約喇！