新聞類別
財經
詳情#
【明報專訊】渣馬過後，在臉書洗版的不是跑友們的玉照，而是五個字：D7689。有老友笑言，要投個車牌玩吓！計我話，講吓就好，真係將佢掛車頭，狂食牛肉乾點算？有人又估，今次提出投訴的，隨時係梁班子中人，皆因坊間流傳梁特最近好緊張網上輿論，佔領事件之後一直睇實臉書同大小討論區，要掌握青年脈博咁話。了解民情係好，但如果睇完又嬲又投訴又追究，最後又點會對政府有好處呢？
科技不單改變政治生態，更主宰現代人生活同消費模式，今屆政府要成立科技局，從客觀環境而論應該係好事，但梁特要推科技局，未見政策內容，就先喺議會打場大交，要向普羅市民推銷新科技政策，可謂落筆打三更。
這邊廂，政府文件內容虛無飄渺，在政策文件內容空泛，稱「具體來說，新的創新及科技局會在深度及廣度上加強有關創新及科技發展的政策支援」。這也叫「具體」，也難怪這個局未出世已經注定命運坎坷。
創科局未出世 已注定命運坎坷
目前支持成立創新科技局的人，只會批評泛民拖垮香港，連政府御用輿論地盤「港人講地」，水平亦停留於小學雞階段，說什麼「想要有個香港嘅馬雲，唔該快啲成立創科局嘞﹗」 香港要搞創新科技，目標係要出產馬雲？點解唔係朱克伯格（Mark Zuckerberg，圖）？連國家工商總局都踢爆淘寶63%係假貨﹗不過咁，網傳馬雲派100個月花紅，呢個可能係香港搞創新科技的成功指標。
港搞創新科技 係要出產馬雲？
老實講，政府成立創新科技局，連最基本的KPI（關鍵績效指標）都無，大家連要解決什麼問題都不知道，只知要推動新經濟產業。觀乎香港局面，經常吵吵鬧鬧，香港人好似缺乏咗一種DNA，唔識Problem Solving﹗
以色列人有強烈解決問題欲望
呢排睇電視報紙，見到誠哥掀起一股以色列風。以色列係唯一一個無石油的中東國家，人口同香港差唔多，但立國短短幾十年，就成為第二個矽谷，超人於以色列投資咗20幾家新創公司，是大中華區在以色列的最大投資者。唔通個個猶太人都有愛因斯坦的聰明基因？非也，是以色列人對解決問題有一種強烈的欲望。
筆者到過當地工作一段時間，那裏的的士佬，個個用以色列人自己研發的社交導航系統；他們的大學生，無「搵份好工」這四個字，個個都想創業，解決他們自己諗到的問題。
香港無呢種DNA，但可以培養，不過如果單靠創新科技局，咁就唔太睇好，最終只怕會淪為分餅仔部門。事實上，香港不缺創投資金，只係好多錢都往外走；到底點樣先可以透過教育，令下一代習慣用思考、科技解決問題，先係推動創新科技要素，但要靠吳得掂搞教育，香港人又點會有信心？
[應正亮 廿四味]
科技不單改變政治生態，更主宰現代人生活同消費模式，今屆政府要成立科技局，從客觀環境而論應該係好事，但梁特要推科技局，未見政策內容，就先喺議會打場大交，要向普羅市民推銷新科技政策，可謂落筆打三更。
這邊廂，政府文件內容虛無飄渺，在政策文件內容空泛，稱「具體來說，新的創新及科技局會在深度及廣度上加強有關創新及科技發展的政策支援」。這也叫「具體」，也難怪這個局未出世已經注定命運坎坷。
創科局未出世 已注定命運坎坷
目前支持成立創新科技局的人，只會批評泛民拖垮香港，連政府御用輿論地盤「港人講地」，水平亦停留於小學雞階段，說什麼「想要有個香港嘅馬雲，唔該快啲成立創科局嘞﹗」 香港要搞創新科技，目標係要出產馬雲？點解唔係朱克伯格（Mark Zuckerberg，圖）？連國家工商總局都踢爆淘寶63%係假貨﹗不過咁，網傳馬雲派100個月花紅，呢個可能係香港搞創新科技的成功指標。
港搞創新科技 係要出產馬雲？
老實講，政府成立創新科技局，連最基本的KPI（關鍵績效指標）都無，大家連要解決什麼問題都不知道，只知要推動新經濟產業。觀乎香港局面，經常吵吵鬧鬧，香港人好似缺乏咗一種DNA，唔識Problem Solving﹗
以色列人有強烈解決問題欲望
呢排睇電視報紙，見到誠哥掀起一股以色列風。以色列係唯一一個無石油的中東國家，人口同香港差唔多，但立國短短幾十年，就成為第二個矽谷，超人於以色列投資咗20幾家新創公司，是大中華區在以色列的最大投資者。唔通個個猶太人都有愛因斯坦的聰明基因？非也，是以色列人對解決問題有一種強烈的欲望。
筆者到過當地工作一段時間，那裏的的士佬，個個用以色列人自己研發的社交導航系統；他們的大學生，無「搵份好工」這四個字，個個都想創業，解決他們自己諗到的問題。
香港無呢種DNA，但可以培養，不過如果單靠創新科技局，咁就唔太睇好，最終只怕會淪為分餅仔部門。事實上，香港不缺創投資金，只係好多錢都往外走；到底點樣先可以透過教育，令下一代習慣用思考、科技解決問題，先係推動創新科技要素，但要靠吳得掂搞教育，香港人又點會有信心？
[應正亮 廿四味]
回應 (0)
