花旗唱反調 「港金融人才多」

【明報專訊】日前金發局主席史美倫話香港無金融人才，仲踩香港金融從業員中英文差，之但係尋日花旗集團香港及澳門區行長盧韋柏就大唱反調，話覺得香港嘅英文水平好高，至於國語水平夠用就得，仲話請唔到人有好多原因，香港仲係好多人才。


盧韋柏：國語水平「依然好強」

對於港人國語水平，盧韋柏坦言「當然你唔可以話同國內一模一樣啦，但係好多已經溝通到，所以我覺得香港個水平依然好強。」佢話請唔到人可能係職位有「mismatch」（不相稱），而且香港做生意，吸引人才已比其他國家幸運。


早前大行就紛紛炒魷，花旗都唔例外，盧韋柏就解釋，花旗主要係北美炒人，可能某啲地區發現成個未來策略未必咁「make sense」（合理），但係佢哋會繼續投資催谷香港同亞洲市場，講明無計劃喺香港裁員，商業銀行嗰邊仲會增聘人手。


[小琴密語]