新聞類別
財經
詳情#
【明報專訊】向來多搞作嘅阿里巴巴主席馬雲又有新動向，就係效法超人李嘉誠大搞教育。佢會聯同巨人集團董事長史玉柱、復星集團董事長郭廣昌等一班老朋友成立「湖畔大學」，馬雲自己仲會出任第一任校長。
呢間大學目標喺培養出新一代企業家。據講因為阿里巴巴當年1999年喺杭州湖畔花園小區創業起家，到2003年淘寶都喺呢度誕生，於是學府就取名「湖畔大學」，代表創業精神。
除咗教育，馬雲仲好照顧女性需要，佢旗下嘅螞蟻金服將聯同國際金融公司高盛、推出內地第一個針對女性創業嘅互聯網金融貸款服務。呢個「巾幗圓夢」計劃共提供5億人民幣予現時蟻微貸平台上女性用戶。呢件事令小琴諗起上年勁hit日劇《半澤直樹》，女角壇蜜為咗創業要屈服做富豪情人，最後全靠主角半澤直樹幫佢辦手續向銀行借錢，唔知馬雲又係咪咁樣得到靈感？
email: piano@mingpao.com
[小琴密語]
呢間大學目標喺培養出新一代企業家。據講因為阿里巴巴當年1999年喺杭州湖畔花園小區創業起家，到2003年淘寶都喺呢度誕生，於是學府就取名「湖畔大學」，代表創業精神。
除咗教育，馬雲仲好照顧女性需要，佢旗下嘅螞蟻金服將聯同國際金融公司高盛、推出內地第一個針對女性創業嘅互聯網金融貸款服務。呢個「巾幗圓夢」計劃共提供5億人民幣予現時蟻微貸平台上女性用戶。呢件事令小琴諗起上年勁hit日劇《半澤直樹》，女角壇蜜為咗創業要屈服做富豪情人，最後全靠主角半澤直樹幫佢辦手續向銀行借錢，唔知馬雲又係咪咁樣得到靈感？
email: piano@mingpao.com
[小琴密語]
回應 (0)
