周浩鼎檢查昂坪棧道

【明報專訊】大嶼山昂坪棧道風光明媚，民建聯周浩鼎前日大清早去行咗一轉，但佢話唔係去做運動，而係去做安全檢查喎！

本身係離島區議員嘅周浩鼎，話接到市民投訴，指木製棧道有啲位置唔穩陣，所以去實地睇睇。佢喺東涌出發，沿木梯級行上山，發現有少量梯級甩咗螺絲，可以成塊揭起；亦有一啲木扶手搖搖吓，所以拍短片「昂坪棧道條條FING」做記錄，放上youTube。佢話現場所見，木棧道唔會塌下，但擔心有小量梯級搖搖吓，行山者會一時不慎扭傷腳。佢話已經將事件告知相關部門，希望當局派人去維修。